Phone
consultation hotline
იურიდიული დეპარტამენტის უფროსი

papuna22დავით დევიძე

დავით დევიძე საჯარო რეესტრის ეროვნული სააგენტოს იურიდიული დეპარტამენტის უფროსის თანამდებობაზე 2016 წლის 17 ნოემბრიდან დაინიშნა.  2015 წლის 31 აგვისტოდან იურიდიული დეპარტამენტის უფროსის მოვალეობას ასრულებდა. ასევე 2014 წლის მაისიდან მუშაობს საჯარო რეესტრის ეროვნული სააგენტოს  მონაცემთა და ინფორმაციის ხარისხის კონტროლის სამსახურის უფროსის პოზიციაზე. ამ თანამდებობაზე დანიშვნამდე ის იურიდიულ დეპარტამენტში იურისტად მუშაობდა. სააგენტოში მან მუშაობა 2009 წელს დაიწყო სხვადასხვა დროს მუშაობდა მეწარმეთა და არასამეწარმეო (არაკომერციული) იურიდიული პირების რეგისტრაციის სამსახურის მთავარ სპეციალისტად, მოგვიანებით ამავე სამსახურში იურისტად.

2008-2009 წლებში ის შეზღუდული პასუხისმგებლობის საზოგადოება „ლობი ჯგუფის“ იურისტი იყო.

2008 წელს ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის სამართალმცოდნეობის სპეციალობით დაამთავრა; 2011 წელს კი სოხუმის სახელმწიფო უნივერსიტეტის იურიდიული ფაკულტეტის დამთავრების შემდეგ, ადმინისტრაციული სამართალში მაგისტრის ხარისხი მიენიჭა.

გავლილი აქვს  კვალიფიკაციის ასამაღლებელი სხვადასხვა სასწავლო კურსი, მათ შორის „პროფესიული უნარ-ჩვევები“ (ამერიკის იურისტთა ასოციაცია), ,,სისხლის სამართლის საპროცესო კოდექსი - აღკვეთის ღონისძიებების ევროკონვენციის მე-5 მუხლის და ადვოკატთა პრეზენტაციის უნარ-ჩვევების შესახებ“ (ნორვეგიის კანონის უზენაესობის მრჩეველთა მისია საქართველოში), „ფინანსური სამართლის ძირითადი ელემენტებისა და საგადასახადო დავების შესახებ“ (საქართველოს იურისტთა ასოციაცია).

2008 წელს ჩაბარებული აქვს სსიპ - საქართველოს ადვოკატთა ასოციაციის  გამოცდა, არის სერტიფიცირებული სპეციალისტი (სამოქალაქო ადმინისტრაციული სამართლის სპეციალიზაცია).

ფლობს ინგლისურ, გერმანულ და რუსულ ენებს.

ჰყავს მეუღლე და ერთი შვილი.