Phone
consultation hotline
იუსტიციის სახლები

იუსტიციის სახლის ამოქმედების შემდეგ იუსტიციის სახლის ერთიანი სივრცის ნაწილი საჯარო რეესტრის ეროვნული სააგენტოც გახდა. დღეს თბილისში, ბათუმში, რუსთავში, მესტიაში, ქუთაისში, ოზურგეთში, გურჯაანში, ყვარელში, თელავში, მარნეულში, გორში, ახალციხეში, ზუგდიდში, ფოთში, თიანეთში, ყაზბეგში, ბორჯომში, ლაგოდეხში არსებული იუსტიციის სახლები მომხმარებლებისთვის კიდევ ერთი ეფექტური არხია სააგენტოს სერვისების მისაღებად. 

რამდენიმე წლის წინ „იუსტიციის სახლის“ შექმნის იდეა გაჩნდა. ახალი პროექტი სხვადასხვა სტრუქტურების ერთ შენობაში, ერთ სივრცეში გაერთიანებას ითვალისწინებდა, რაც სახელმწიფო სერვისების ერთ ადგილას მიღებასა და მთლიანად მომსახურების პროცესს მნიშვნელოვნად გაამარტივდებდა.იუსტიციის სახლის პროექტმა, რომელმაც სახელმწიფო სერვისების უმრავლესობა ერთ სივრცეში მოაქცია, მოქალაქისა და საჯარო სექტორის ურთიერთობის გამარტივების პროცესში უდიდესი როლი შეასრულა.

მანამდე სახელმწიფო სტრუქტურები მოქალაქეს უზარმაზარ ბიუროკრატულ აპარატად მიაჩნდა, რომლის ფუნქიცონირება სხვადასხვა უწყების მოქმედებაზე იყო დამოკიდებული, მათი კოორდინირებული მუშაობა კი სირთულეს წარმოადგენდა: მოქალაქეს, რომელსაც მაგალითად, პასპორტის ან დაბადების მოწმობის აღება, უძრავი ქონების ან ბიზნესის რეგისტრაცია სურდა, ამ მომსახურებების მისაღებად მისვლა სხვადასხვა უწყებაში უწევდა.

დღეს იუსტიციის სახლები სხვადასხვა  მომსახურების გაერთიანების მიუხედავად, მუშაობის პროცესში სისწრაფესა და ეფექტურობას არ კარგავენ. აქ ყველაფერი მომხმარებლების მაქსიმალურ კმაყოფილებაზეა ორიენტირებული: 300-ზე მეტი სერვისის მიღება სწრაფად და კომფორტულადაა შესაძლებელი.

იუსტიციის სახლის შექმნის იდეა პირველად საქართველოში გაჩნდა, ის არცერთი ქვეყნის პრაქტიკას არ ეყრდნობა და წარმატებული მუშაობის გამოცდილებით სხვადსხვა სახელმწიფოს დიდ ინტერესს იწვევს. სახელმწიფო სერვისების ერთ სივრცეში ორგანიზების ქართული მოდელის სხვა ქვეყნებში დანერგვა საქართველოს იუსტიციის სამინისტროს ერთ-ერთი მთავარი პრიორიტეტია, რისთვისაც აქტიური მუშაობა მიმდინარეობს. 

 

 

იუსტიციის სახლი მისამართი
გორის იუსტიციის სახლი ქ. გორი, დ. გურამიშვილის ქ. №5
ოზურგეთის იუსტიციის სახლი ქ. ოზურგეთი, ი. პეტრიწის ქ. №9
გურჯაანის იუსტიციის სახლი ქ.  გურჯაანი თამარ მეფის ქ. №14
თელავის იუსტიციის სახლი ქ. თელავი, ერეკლე II-ის მოედანი №3
ქუთაისის იუსტიციის სახლი ქ. ქუთაისი, ირ. აბაშიძის ქ. № 20.
რუსთავის იუსტიციის სახლი ქ. რუსთავი, ხალხათა მეგობრობის გამზირი №29
თბილისის იუსტიციის სახლი ქ. თბილისი, სანაპიროს ქ. №2
ბათუმის იუსტიციის სახლი ქ. ბათუმი, შერიფ ხიმშიაშვილის ქ. №7
ყვარლის იუსტიციის სახლი ქ. ყვარელი, კუდიგორის ქ. № 3
მარნეულის იუსტიციის სახლი ქ. მარნეული, რუსთაველის ქ. №1
ახალციხის იუსტიციის  სახლი ქ. ახალციხე, თამარაშვილის ქუჩა, სკვერის მიმდებარედ
მესტიის იუსტიციის სახლი ქ. მესტია, ი.გაბლიანის ქუჩა №1
ზუგდიდის იუსტიციის სახლი ქ. ზუგდიდი, თეატრის ქუჩა №2
ფოთის იუსტიციის სახლი ქ. ფოთი, რუსთაველის წრე
თიანეთის იუსტიციის სახლი დაბა თიანეთი, ერეკლეს ქ.
ყაზბეგის იუსტიციის სახლი სტეფანწმინდა, ალ.ყაზბეგის  №47
ბორჯომის იუსტიციის სახლი კოსტავას ქუჩა, ბორჯომპარკის მიმდებარე ტერიტორია 
ლაგოდეხის იუსტიციის სახლი  ზაქათლის ქუჩა
ონის იუსტიციის სახლი